الأخبار

  • 06 Dec 2017
  • 12:27

طريقة أسهل للوصول ليك

جوميا خصصت طريقة جديدة للتواصل معاك بشكل أسهل عشان نقدر نبعتلك كل أخبار جوميا وآخر التحديثات أول بأول عن طريق برنامج التيليجرام Telegram.

لو عندك التطبيق على موبايلك بالفعل، اضغط على اللينك دهعشان تنضم لجروب جوميا على تطبيق Telegram أو قوم بالبحث عن اسم الجروب Jvendors على التطبيق.

لو موبايلك أندرويد ومعندكش التطبيق تقدر تضيفه على موبايلك دلوقتي لتحميل البرنامج

image

لو موبايلك آيفون IOS ومعندكش التطبيق تقدر تضيفه على موبايلك دلوقتي ​لتحميل البرنامج

  • 13 Nov 2017
  • 18:11

مسابقة زيادة المبيعات


بناءً على طلب الكثير من شركائنا هنقوم بمد ميعاد مسابقة زيادة المبيعات حتى يوم 30 نوفمبرعشان نقدملك فرصة تانية للمنافسة بقوة والفوز بقسيمة شراء بمبلغ 5000 جنيه.
اتعرف على المنتجات الأكثر مبيعًا في جميع الفئات وضيفها لمحلك عشان تضمن أعلى المبيعات، وتقدر تعرف اكترعن كل ما يخص حملة بلاك فرايدي من هنا.

 

بنفكرك بشروط المسابقة: 
  • أقل حد لإضافة المنتجات هو 500 منتج.
  • ظهور المنتجات لمدة اسبوع من يوم إنشائها.
ضيف منتجاتك الآن وتقدر تعرف طرق إضافة المنتجات من هنا.
جوميا هتحدد الفائزين على أساس أعلى 3 مراكز:
  1. الفائز الأول هيكسب قسيمة شراء بمبلغ 5000 جنيه.
  2. الفائز الثاني هيكسب قسيمة شراء بمبلغ 3000 جنيه.
  3. الفائز الثالث هيكسب قسيمة شراء بمبلغ 2000 جنيه.
  4.  
  • 06 Nov 2017
  • 13:23

مركز تسليم جديد في 6 أكتوبر

جوميا بتحاول دائمًا تقربلك خدماتها أكتر، عشان كدة نحب نبلغك إننا قمنا بفتح مركز تسليم جديد في6 أكتوبر.

مركز تسليم 6 أكتوبر:

لو عايز تعرف باقى مراكز التسليم ومواعدها اضغط هنا

  • 05 Nov 2017
  • 22:18

آخر فرصة للاشتراك في حملة بلاك فرايدي

فاضل أقل من 24 ساعة على الإشتراك في حملة بلاك فرايدي، استفيد دلوقتي من آخر فرصة للاشتراك:

 

  • لو تم رفض منتجاتك بسبب إدخال أسعار غير مناسبة.
  •  لو فاتك ميعاد للاشتراك في المرة الأولي.

ولو قمت بالاشتراك بالفعل في المرة الأولى في حملة بلاك فرايدي تقدر تتابع قبول أو رفض منتجاتك من هنا.

اشترك في الفئات الأخرى من هنا
اشترك دلوقتي في فئة الأزياء من هنا
اضغط هنا لمعرفة كيفية الاشتراك في حملة بلاك فرايدي

 

  • 05 Nov 2017
  • 17:32

شهر كامل من العروض

ابتدى الوقت الحقيقي للاستعداد لحملة بلاك فرايدي بعد إضافة منتجاتك وتحديث أسعارك ومخزونك، جوميا هتقولك مواعيد كل العروض لكل الفئات خلال حملة بلاك فرايدي طوال شهر نوفمبر عشان تكون مستعد دائمًا لاستقبال طلباتك ولتحقيق أرباح أكتر من كل سنة، ولبناء اسم كبير لمحلك.
image
  • 01 Nov 2017
  • 18:20

نصائح هامة لتحقيق أرباح أعلى خلال بلاك فرايدي 2017

السوق الإلكتروني بيزداد تطورًا يوم بعد التاني ولأننا مهتمين بنجاحك، هنقدملك نصائح فعّالة لتحقيق مبيعات أعلى ولبناء أسم كبير لمحلك عشان تكون دائمًا مستعد لتحقيق نجاح أكبر كل سنة.
وعشان متوقعين إن بلاك فرايدي السنة دي أكبر من كل سنة بنقولك خليك مستعد معانا من خلال الخطوات الآتية:

 

1. ضيف المنتجات الأكثر طلبًا لمحلك بأفضل الأسعار اضغط هنا  
2. استلم مرتجعاتك عشان تساعدنا على تحضير مراكز التسليم لحملة بلاك فرايدي 2017.
3. اعرف أكتر عن عدد الطلبات المحددة يوميًا من هنا.
4. تجنب تأخير تجهيز الطلبات وضيق الوقت واطلب مواد التغليف من هنا
5. تجنب إلغاء الطلبات بسبب نفاذ المخزون وحدث مخزونك أول بأول قبل نفاذه تمامًا، اتعرف على طريقة تحديث مخزون منتجاتك.
6. اجذب انتباه عملائك عن طريق تقديم عروض على أكتر منتج (Bundle) لأننا هنقوم بوقف إمكانية الدفع عند الاستلام على المنتجات الأقل من 199 جنيه وبالتالي بننصحك بإنك تقدم لعملائك منتج جديد يحتوي على قطعتين أو أكتر .
7. حسن تقييمك وشارتك خلال حملة بلاك فرايدي لأن كل ما كان تقييمك أعلى كل ما هتقدر تبيع أكتر وتستفيد بمزايا أكتر وخصوصًا لو وصلت للشارة الذهبية خلال الحملات الكبرى مع برنامج جوميا للمزايا.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

  • 24 Oct 2017
  • 16:22

بلاك فرايدي من أهم الحملات اللي هتساعدك تحقق أعلى المبيعات وخصوصًا لأنه هيستمر لمدة شهر، عشان كدة بنقدملك بعض النصائح اللي ممكن تساعدك على جذب العملاء أكتر.
ومن أهم الطرق اللي بتلفت نظر العملاء هي (Bundle) أو بمنعى آخر إضافة مجموعة من نفس المنتج بألوان متنوعة أو دمج منتجات مختلفة في SKU جديد وده بيزود من المبلغ الكلي لمشتريات العملاء في عربة الشراء وبالتالي هيكون عنده فرصة يوفر وعندك انت الفرصة انك تبيع أكبر.
 
وعشان بنتوقع عدد كبير من الطلبات خلال فترة بلاك فرايدي، بنقولك هتوقف إمكانية الدفع عند الاستلام على المنتجات الأقل من 199 جنيه وبالتالي بننصحك بإنك تقدم لعملائك منتج جديد يحتوي على قطعتين أو أكتر (Bundle) برقم تعريفي جديد (SKU) اضغط هنا واتبع المثال.
  • 19 Oct 2017
  • 10:41

مقر جديد لمركز جوميا التعليمي

عشان بنحاول نقربلك خدماتنا أكتر، نقلنا مركز جوميا التعليمي تمامًا في مكان أكبر وأقرب فيمدينة نصر، وهيكون في نفس مكان مركز تسليم جديد لجوميا عشان تقدر توفر وقت أكتر.

العنوان بالتفصيل:
18 شارع السويس، أمام شركة عجيبة للبترول، خلف الحديقة الدولية، الحي السابع، مدينة نصر، وتقدر تتبع الخريطة دي.

المركز ده هيوفرلك أكتر من خدمة في مكان واحد بالإضافة إنه هيستوعب عدد أكبر وده هيخلينا نقدملك فيه التدريب الأساسي والتدريب المتقدم بتقنيات أفضل.

وبنحب نبلغك إن أول تدريب هيبدأ يوم الأتنين 23 أكتوبر في المقر الجديد لمركز جوميا التعليمي وبنتمنى منك التسجيل مرة تانية في التدريبات المفضلة بالنسبة ليك

اعرف أكتر عن المحاضرات اللي هنقدمهالك في مركز جوميا الجديد

  • 19 Oct 2017
  • 09:42

نصائح مهمة للتحضير لبلاك فرايدي

فاضل 24 يوم على بداية حملة بلاك فرايدي وعشان كدة جوميا هتقولك على بعض النصائح المهمةعشان تبقى مستعد بالكامل لأهم حملة إعلانية في السنة:

  • اطلب مواد التغليف المتوقع إنك تحتاجها من هنا عشان تتجنب ضيق الوقت.
  • استلم مرتجعاتك عشان تساعدنا على تحضير مراكز التسليم لحملة بلاك فرايدي.
  • لسة عندك وقت كافي لتحسين تقييمك وشارتك وخصوصًا خلال حملة بلاك فرايدي لأن كل ما كان تقييمك أعلى كل ما هتقدر تبيع أكتر وتستفيد مع برنامج جوميا للمزايا وأهم ميزة هي الحصول على عدد غير محدود من الطلبات اليومية خلال الحملات الكبرى.
  • اعمل تحديث لمخزون منتجات أول بأول سواء في المخزن أو على المتجر الإلكتروني.
  • 16 Oct 2017
  • 15:52

استفيد بمزايا أكتر مع الشارة الذهبية خلال بلاك فرايدى

عايز تستفيد أكتر من جوميا؟
كل اللي عليك إنك تحسن شارتك وهتقدر تستفيد بمزايا أكتر وخصوصًا خلال بلاك فرايدي.
 
طيب إزاي احول شارتي من برونزية أو فضية لذهبية؟
  • حسّن نسبة مبيعاتك​
  • وحافظ على تقييم أعلى من 4 بتحسين سرعة توصيل وتجهيز طلباتك.

وتقدر تتابع تقييمك من خلال لوحة الأرقام (Dashboardمن هنا.

اشترك دلوقتي واستفيد من شهر كامل من الدعاية بداية من يوم 12 نوفمبر إلى 12 ديسمبر واستعد لتحقيق أعلى المبيعات.

  • 12 Oct 2017
  • 09:36

قدم لعملائك مفاجآت أكتر خلال بلاك فرايدى 2017

مستعد لحملة بلاك فرايدي السنة دي؟
بعد خطوة زيادة منتجاتك والتأكد من المخزون، وتحديد الأسعار.. 
ده وقت تشجيع العملاء على الشراء..
بس هتضمن إزاي إنهم يشتروا من محلك أكتر من المحلات التانية!؟
احسن طريقة تفاجئ بيها عملائك وتشجعهم على التسوق من محلك هي قسائم الشراء، عشان كدة جوميا هتوفرلك فرصة تقديم قسائم شراء خاصة بمحلك انت بس وبالتالي تقدر تزود مبيعاتك وتجذب عدد أكبر من العملاء لمحلك.
 
خلي العملاء منجذبين أكتر لمحلك وقدملهم قسائم شراء انت اللي هتحددها:
1. حدد المبلغ الكلي لقسائم الشراء.
2. حدد مبلغ كل قسيمة الشراء على حدة.
3. اختار الحد الأدنى لمشتريات العميل في عربة التسوق عشان يقدر يستخدم قسيمة الشراء.
مثال:
لو هتستثمر في قسائم الشراء بمبلغ 12,000 جنيه والقسيمة الواحدة هتكون بقيمة 200 جنيه، هتبقى قدمت لعملائك 60 قسيمة للشراء من محلك وبالتالي هتقدر تحقق مبيعات تفوق توقعاتك.

ملحوظة:
مش هنخصم منك تكلفة القسائم الشرائية إلا لو العميل استخدمها فعلًا خلال فترة البلاك فرايدي وهنخصم قيمة القسيمة من حسابك بعد بداية الحملة.
 
أعرف أكتر عن إزاي هنعرض القسائم الشرائية من هنا وجوميا هتخصص صفحة لقسائم الشراء على الموقع خلال بلاك فرايدي عشان يقدر العملاء الدخول بسهولة على محلك.
 
  • 12 Oct 2017
  • 09:18

هدايا جوميا خلال بلاك فرايدي 2017

بلاك فرايدى 2017 هيكون فيه مفاجآت كتير مش بس لعملائنا كمان لشركائنا، وده لأن شهر بلاك فرايدى هيكون شهر المبيعات.
خليك كسبان مع مسابقة زيادة المنتجات خلال بلاك فرايدي السنة دي لأنك كل ما هتزود منتجاتك كل ما جوميا هتكسبك قسائم شراء توصل لمبلغ 5000 جنيه.
الحد الأدنى لإضافة المنتجات هو 500 منتج وجوميا هتحدد الفائزين على أساس أعلى 3 مراكز بعد الحد الأدنى:
  1. الفائز الأول هيكسب قسيمة شراء بمبلغ 5000 جنيه.
  2. الفائز الثاني هيكسب قسيمة شراء بمبلغ 3000 جنيه.
  3. الفائز الثالث هيكسب قسيمة شراء بمبلغ 2000 جنيه.​​

​​المسابقة هتبدأ من دلوقتي وهتخلص يوم 5 نوفمبر، كل اللي عليك إنك تتأكد من ظهور منتجاتك على الموقع لمدة أسبوع وهنعلن عن الفائز أول يوم في البلاك فرايدي.

*اتفرج على الفيديو ده واعرف ازاي تشترك في حملة بلاك فرايدي.

 

خليك جاهز لحملة بلاك فرايدي 2017 واشترك دلوقتي
 
 
  • 09 Oct 2017
  • 15:33

مع قرب ميعاد حملة بلاك فرايدي، بنقولك إنك كل ما هتزود عدد منتجاتك كل ما هتستفيد بنسبة مشاهدة أعلى، وبما إننا لاحظنا إن العملاء بيثقوا أكتر في أصحاب الشارة الذهبية، فإحنا بنشجعك إنك تحسن تقييمك عشان تحسن شارتك، وتقدر دايمًا تتابعهم من خلال لوحة الأرقام (Dashboardمن هنا.

لو عايز تعرف أكتر عن برنامج جوميا للمزايا، اضغط هنا.

 

يلا متفوتش فرصة الانضمام في شهر كامل من العروض مع حملة بلاك فرايدي واشترك دلوقتي وإحنا هنساعدك تكبر أسم محلك أكتر من الأول.

  • 09 Oct 2017
  • 15:22

مميزات أكتر خلال البلاك فرايدي

مع قرب ميعاد حملة بلاك فرايدي، بنقولك إنك كل ما هتزود عدد منتجاتك كل ما هتستفيد بنسبة مشاهدة أعلى، وبما إننا لاحظنا إن العملاء بيثقوا أكتر في أصحاب الشارة الذهبية، فإحنا بنشجعك إنك تحسن تقييمك عشان تحسن شارتك، وتقدر دايمًا تتابعهم من خلال لوحة الأرقام (Dashboardمن هنا.
لو عايز تعرف أكتر عن برنامج جوميا للمزايا، اضغط هنا.
 
يلا متفوتش فرصة الانضمام في شهر كامل من العروض مع حملة بلاك فرايدي واشترك دلوقتي وإحنا هنساعدك تكبر أسم محلك أكتر من الأول.
  • 08 Oct 2017
  • 18:22

كورسات جوميا لشهر أكتوبر

 

بنقدملك كل شهر كورسات جديدة عشان تستفيد من مركز جوميا التعليمى اللي هدفه الأساسى هو تطوير تجارتك وتحسين تجربتك كبائع على جوميا.

اعرف مواعيد الكورسات واحجز الكورس المفضل لك! 

بنفكرك إن العدد محدود فالأولوية هتكون للى هيسجل الأول وطبعًا هنسلم شهادات الكورس للحاضرين.

- لو عايز تشترك فى كورس مهارات الكتابة الإدارية (Business Emailاضغط هنا

- أو لحجز كورس الفوتوشوب (Photoshopاضغط هنا

 
  • 28 Sep 2017
  • 14:34

مواعيد تدريبات جوميا لشهر أكتوبر

هدفنا في مركز جوميا التعليمي هو تطوير مهاراتك ومساعدتك على تحسين تجارتك لتحقيق نجاح مشترك، عشان كدة بنقدملك أفضل الطرق وأحدث الأدوات من خلال نوعين من التدريبات:

1- التدريب الأساسى: هتعرف من خلاله إزاى تستخدم المتجر الالكترونى (Seller Center).

2- التدريب المتقدم: بيساعدك على معرفة أحدث الطرق لإدارة محلك بشكل أفضل.

اعرف المواعيد الجديدة للتدريب الأساسى والمتقدم في شهر أكتوبر من هنا 

بنقدملك كل التدريبات فى مبنى جوميا الرئيسى وتقدر تعرف المواعيد الخاصة بكل تدريب فى اللينك الخاص بالحجز.

  • 27 Sep 2017
  • 15:55

جهز طلباتك في أقل من 24 ساعة

جوميا بتقولك إن سبب من الأسباب الأساسية لتحسين تقييمك وإرضاء عملائك هو سرعة تجهيز الطلب وسرعة توصيله للعميل عشان كدة بنفكرك بإن المدة المحددة لتحويل حالة الطلب من "معلق" إلى "جاهز للشحن" هي 24 ساعة وبنبلغك إن الطلبات اللي هتعدي 24 ساعة هتتلغي تلقائيًا، أما بالنسبة لشركائنا اللي بيبيعوا منتجات كبيرة الحجم وبيشحنوا منتجاتهم بنفسهم (FDS) فالمدة المحددة لتحويل الطلب من "معلق" إلى "جاهز للشحن" هي 48 ساعة.

 

ملحوظة:

لو كانت منتجاتك مخزنة في مخزن جوميا  (Jumia Express)، فجوميا بتقولك إنها هتقوم بعملية تجهيز وتغليف وتوصيل الطلب بأسرع وقت لعملائك ومش هيطبق عليك الإجراء ده.

  • 20 Sep 2017
  • 13:14

أجازة رأس السنة الهجرية

جوميا بتتمنالك وقت سعيد في أجازة رأس السنة الهجرية الموافق يوم الخميس 21 سبتمبر وبنبلغك بإن:

مخزن جوميا وجميع مراكز التسليم هيكونوا أجازة بكرة الموافق الخميس21 سبتمبر وهيرجعوا للعمل تانى يوم السبت 23 سبتمبر.

أما بالنسبة لفريق دعم البائعين هيكون أجازة يوم الخميس 21 سبتمبر وهيرجعوا للعمل يوم الأحد 24 سبتمبر من 10ص حتى 5م.

  • 11 Sep 2017
  • 14:52

وقف استلام أو تسليم الطلبات لمدة يومين

احنا في جوميا بنوعدك اننا دايمًا نحسن الخدمات اللي بنقدمها ليك عشان نرضي جميع شركائنا، وهنضطر نوقف تسليم الطلبات من مراكز جوميا للاستلام وكمان هنوقف ارسال مندوبين جوميا لاستلام الطلبات خلال يوم الأربعاء 13 سبتمبر والخميس 14 سبتمبر عشان نضمن إنهاء الجرد السنوي في أسرع وقت وبالتالي نضمن تقديم خدمة أفضل لعملائنا فيما بعد.

 

لكن طبعًا الخدمات التالية مستمرة:

  • توصيل مواد التغليف.
  • استلام وتسليم المرتجعات للبائعيين.

ملحوظة:

بنأكد ليك أن الإجراء ده مش هيأثر علي تقييمك كبائع ولا هيتم إلغاء طلباتك المتأخرة وهنرجع تاني للعمل بشكل طبيعي من يوم السبت 16 سبتمبر.

  • 05 Sep 2017
  • 16:25

كورسات جوميا لشهر سبتمبر

بنقدملك من جديد كورسات مركز جوميا التعليمى اللى هدفها الأساسى هو تطوير مهاراتك وتحسين تجربتك كبائع على جوميا.

اعرف مواعيد الكورسات  من هنا واحجز الكورس اللى انت عايزه وكل شهر هنقدملك كورسات جديدة علشان تستفيد من مركز جوميا التعليمى.

بما ان العدد محدود فالأولوية هتكون للى هيسجل الأول وطبعًا هنسلم شهادات الكورس للحاضرين.

لو عايز تشترك فى كورس التسويق الالكترونى، اضغط هنا

او فى كورس مهارات إدارة الأعمال، اضغط هنا